uButhelezi uzohlonishwa ngoMngcwabo obaluleke kakhulu ezweni
UMENGAMELI Cyril Ramaphosa usememezele ukuthi uMntwana waKwaPhindangene kanye noNdunankulu weNdabuko weNgonyama neSizwe samaZulu, uMntwana uMangosuthu Buthelezi, uzohlonishwa ngomngcwabo okhethekile weSigaba 1 Ulundi KwaZulu-Natal.
UMongameli Ramaphosa umemezele ukudlula emhlabeni kukaButhelezi, eneminyaka engama-95, ngoMgqibelo odlule.
“Njengoba kuqhubeka amalungiselelo emicimbi yesikhumbuzo, uMongameli Ramaphosa uphinda amazwi enduduzo ajulile eNdlunkulu kanjalo nabangane, ozakwabo – okuhlanganisa namaLungu ePhalamende – kanye nabasebenzisana nalo mholi ezweni lonke nasemhlabeni jikelele.
“Inqubomgomo Yomngcwabo Kahulumeni, Esemthethweni kanye NeyesiFundazwe kahulumeni inikezela ngeMingcwabo Eyisipesheli Esemthethweni, iSigaba 1, kubantu abaneziqu ezingavamile eziqokwe nguMongameli waseNingizimu Afrika,” kusho iHhovisi likaMongameli esitatimendeni ngoLwesibili.
Umngcwabo uzophinde uhlanganise nezimpawu zokuhlonishwa kwezempi.
“UMongameli uyalele ukuthi amafulegi aphephezeliswe phezulu eziteshini zamafulege ezweni lonke kusukela namuhla, ngoLwesibili, 12 Septhemba 2023, kuze kube kusihlwa ngosuku lomngcwabo ozokuba ngalo,” kuphetha isitatimende.
UButhelezi usebenze njengoNgqongqoshe Wezasekhaya wokuqala waseNingizimu Afrika futhi wayengumsunguli kanye noMongameli Ophuma Emeritus we-INkatha Freedom Party.
